Նուրմագոմեդով. Մաքգրեգորն արժանի չէ ռևանշի

Խառը մենամարտերի թեթև քաշային կարգի չեմպիոն, ռուսաստանցի Խաբիբ Նուրմագոմեդովը խոսել է իռլանդացի մարզիկ Քոնոր Մաքգրեգորի հետ հնարավոր ռևանշի մասին:

«Երբ ես ընտրում եմ իմ հաջորդ մրցակցին, ինձ հարց եմ տալիս՝ արդյո՞ք նա արժանի է մենամարտել ինձ հետ: Ինչ վերաբերում է Քոնորին, ապա նա արժանի չէ ռևանշի»,- Նուրմագոմեդովի խոսքը փոխանցում է BJPenn-ը:

Նշենք, որ Խաբիբ Նուրմագոմեդովն իր հաջորդ մենամարտը կանցկացնի 2020 թվականի ապրիլի 18-ին: Ռուսաստանցի մարզիկի մրցակիցը կլինի ամերիկացի Տոնի Ֆերգյուսոնը:

Հիշեցնենք, որ Խաբիբ Նուրմագոմեդովը Քոնոր Մաքգրեգորի նկատմամբ հաղթանակ տարել է նախորդ տարվա հոկտեմբերին: