«Ժամանակ». Անորոշ ժամկետով արգելվել է չվերթը դեպի Եգիպտոս. Ե՞րբ թույլ կտան թռիչքները

 

«Ժամանակ» թերթը գրում է. «ՀՀ պարետատունն անորոշ ժամկետով արգելել է հուլիսի 25-ին դեպի Եգիպտոս չվերթը՝ պատճառաբանելով, որ նպատակահարմար չէ այս պահին։

«Ժամանակ»-ի հետ զրույցում «Շելբի տուր» ընկերության տնօրեն Մարինա Ավետիսյանը տեղեկացրել է, որ պարետատունն արգելում է դեպի Եգիպտոս նախատեսված թռիչքը։ Տուրիստական ընկերության տնօրենի խոսքով՝ իրենց ընկերությունով մոտ 10 մարդ ցանկություն էր հայտնել մեկնել Եգիպտոս հանգստի, գումարներն արդեն վճարել էին։

Տուրիստական ընկերությունը մինչև շաբաթվա վերջ վերադարձնելու է գումարները, քանի որ անորոշ ժամկետով են հետաձգվում թռիչքները, իսկ պարետատնից չեն ասում, թե երբ թույլ կտան թռիչքները»։