«Անձնական կյանք այլևս չկա». դերասանուհի Էմմա Մկրտչյանը սոցցանցերից հեռացրել է ամուսնու հետ լուսանկարները

Դերասանուհի Էմմա Մկրտչյանը, ով հեռուստադիտողին հայտնի է «Դեբեդի գաղտնիքը» հեռուստասերիալից, «Կինստագրամ» սիթքոմից, սոցցանցերի իր էջերից հեռացրել (կամ թաքցրել) է ամուսնու հետ բոլոր լուսանկարները:

Սա ենթադրությունների տեղիք է տվել, որ դերասանուհին բաժանվել է: Շրջանառվող լուրերի իսկությունը պարզելու համար Tert.am Life–ը կապ հաստատեց Էմմայի հետ: Վերջինս ասաց, որ իր անձնական կյանքում տեղի ունեցող իրադարձությունների մասին խոսել չի ուզում: Թեև նա բառացի չհաստատեց լուրը, այնուամենայնիվ, ասաց. «Անձնական կյանք այլևս չկա, այդ պատճառով էլ ոչինչ չեմ խոսում»:

Դիտարկմանը, որ դերասանուհին նախկինում իր անձնականի մասին խոսելուց  չէր խուսափում, Էմման պատասխանեց. «Առաջ չէի խուսափում, հիմա այս թեմայով ոչինչ ասել չեմ ուզում»: